main lafzon ke asar ka moajiza hun
mujhe dekho mujassam ek dua hun
main chhoTon mein bahut chhoTa hun lekin
baDon ke darmiyan sab se baDa hun
talash-e-rizq mein nikla tha ghar se
ab apne aap ko main DhunDhta hun
ata kar hausle ko istaqamat
mere mabud tanha rah gaya hun
mere alfaz hain aawaz 'mohsin'
main naghma hun agarche be-sada hun
Ghazal
Main lafzon ke asar ka moajiza hun
Mohsin Bhopali