مانا اپنی جان کو وہ بھی دل کا روگ لگائیں گے

مانا اپنی جان کو وہ بھی دل کا روگ لگائیں گے
اہل جنوں خود کیا سمجھے ہیں ناصح کیا سمجھائیں گے

شاید اشک و آہ سے ہی اب بار الم کچھ ہلکا ہو
ہم بھی کریں گے شعلہ فشانی ہم بھی لہو برسائیں گے

جی نہ سکیں گے جینے والے ترک تعلق کر کے مگر
آپ کو بھی کچھ وحشت ہوگی آپ بھی کچھ پچھتائیں گے

ملنا تیرا مشکل تھا تو جی لیتے اس مشکل پر
پا کر تجھ کو کھونے والے کیونکر جی بہلائیں گے