log the jin ki aankhon mein andesha koi na tha
main jis shahr se guzra us mein zinda koi na tha
chizon ke ambar lage the KHalq aaram se thi
aur mujhe ye ranj wahan afsurda koi na tha
hairani mein hun aaKHir kis ki parchhain hun
wo bhi dhyan mein aaya jis ka saya koi na tha
chaunk paDa jab yaadon mein us ki aawaz suni
bas apni hi gunj thi mujh mein warna koi na tha
main jis KHauf mein tha us mein kuchh aur bhi qaidi the
main jis KHwab mein tha us mein darwaza koi na tha
Ghazal
Log the jin ki aankhon mein andesha koi na tha
Saqi Faruqi