lab-e-KHamosh mera baat se ziyaada hai
tera firaq mulaqat se ziyaada hai
ye ek shikast jo hum ko hui mohabbat mein
zamane bhar ki futuhat se ziyaada hai
bahut hi ghaur se sunta hun dil ki dhaDkan ko
ye ek sada sabhi aswat se ziyaada hai
umid bhi tere aane ki aaj kam hai idhar
ye dil ka dard bhi kal raat se ziyaada hai
main us se ishq to kar baiTha hun magar 'tariq'
ye silsila meri auqat se ziyaada hai
Ghazal
Lab-e-KHamosh mera baat se ziyaada hai
Tariq Hashmi