kyunkar bhala lage na wo dildar dur se
duni bahaar dewe hai gulzar dur se
nazdik hi se sharm hai itna to ho bhala
dekha karen kabhi kabhi didar dur se
ji to bhara na apna kisi tarah kya hua
dekha agar use sar-e-bazar dur se
be-iKHtiyar uThti hai buniyaad-e-be-KHudi
aati hai jab nazar teri diwar dur se
nazdik Tuk biTha ke 'hasan' ka to haal dekh
aaya hai qasd kar ke ye bimar dur se
Ghazal
Kyunkar bhala lage na wo dildar dur se
Meer Hasan