Kucha-e-yar ain kasi hai

kucha-e-yar ain kasi hai
jogi-e-dil wahan ka basi hai

pi ke bairag ki udasi sun
dil pe mere sada udasi hai

ai sanam tujh jabin upar ye KHal
hindawi har-dwar basi hai

zulf teri hai mauj jamuna ki
til nazik us ke jiyun sanasi hai

ghar tera hai ye rashk-e-dewal-e-chin
us mein muddat sun dil upasi hai

ye siyah-zulf tujh zanaKHdan par
nagani jyun kunwe pe pyasi hai

tas-e-KHurshid gharq hai jab sun
bar mein tere libas-e-tasi hai

jis ki guftar mein nahin hai maza
suKHan us ka taam basi hai

ai 'wali' jo libas tan pe rakha
aashiqan ke nazik libasi hai