Kuchh sabil-e-rizq ho phir kahin makan bhi ho

kuchh sabil-e-rizq ho phir kahin makan bhi ho
tu abhi yahan na aa shahr mein aman bhi ho

sari raat inT se inT shahr ki baje
aur baam-e-subh par KHush-nawa azan bhi ho

aur meri ye dua bhi qubul ho gai
qatl bhi mujhe kare mujh pe mehrban bhi ho

kuchh to aafat-e-samawi se dhyan bhi haTe
wo jo ran paDa wahan ran wahi yahan bhi ho

KHwab le ke shahr mein aae ho nae nae
KHush-mizaj ho meri tarah KHush-guman bhi ho

meri apni marzi ke rang hon fazaon mein
mere dast mein zamin hai to aasman bhi ho