Kuchh dard hai mutribon ki lai mein

kuchh dard hai mutribon ki lai mein
kuchh aag bhari hui hai nai mein

kuchh zahr ugal rahi hai bulbul
kuchh zahr mila hua hai mai mein

bad-mast jahan ho raha hai
hai yar ki bu har ek shai mein

hai masti-e-nim-KHam ka Dar
israr hai jam-e-pai-ba-pai mein

mai-KHana-nashin qadam na rakkhen
bazm-e-jam o bargah-e-kai mein

ab tak zinda hai nam wan ka
guzra hai husain ek hai mein

hoti nahin tai hikayat-e-tai
guzra hai karim ek tai mein

kuchh 'shefta' ye ghazal hai aafat
kuchh dard hai mutribon ki lai mein