kuchh chamakta sa tah-e-ab nazar to aae
Dubne ke liye girdab nazar to aae
koi tabir ki surat bhi nikal aaegi
nind to aae kabhi KHwab nazar to aae
band kamre ki faza kis ko bhali lagti hai
mere atraf mein mahtab nazar to aae
do ghaDi Thahrun kahin main bhi zara dam le lun
rah mein KHitta-e-shadab nazar to aae
main shikasta hun idhar tu bhi shikasta hai udhar
jang mein koi zafar-yab nazar to aae
mushkilen gher ke baiThi hain mera ghar 'alam'
ab zara halqa-e-ahbab nazar to aae
Ghazal
Kuchh chamakta sa tah-e-ab nazar to aae
Alam Khursheed