kuchh ajab sa hun sitamgar main bhi
us pe khulta hun badan bhar main bhi
nai tartib se wo bhi KHush hai
KHub-surat hun bikhar kar main bhi
aa mere sath mere shahr mein aa
jis se bhag aata hun aksar main bhi
ab ye pa-posh-e-ana kaTti hai
lo hua apne barabar main bhi
jhilmila le abhi ujlat kya hai
aur kuchh der hun chhat par main bhi
Ghazal
Kuchh ajab sa hun sitamgar main bhi
Rauf Raza