kitna sukut hai rasan-o-dar ki taraf
aata hai kaun jurat-e-izhaar ki taraf
dasht-e-wafa mein aabla-pa koi ab nahin
sab ja rahe hain saya-e-diwar ki taraf
qasr-e-shahi se kahte hain niklega mehr-e-nau
ahl-e-KHirad hain is liye sarkar ki taraf
weitnam-o-Korea se adu ko nikal len
aaenge lauT kar lab-o-ruKHsar ki taraf
baqi jahan mein rah gaya 'ghaalib' ka nam hi
har-chand ek hujum tha aghyar ki taraf
Ghazal
Kitna sukut hai rasan-o-dar ki taraf
Habib Jalib