kisi ka unhen pas-e-ghurbat nahin hai
parai musibat musibat nahin hai
talab shewa-e-ahl-e-himmat nahin hai
mera dil kisi ki amanat nahin hai
kuchh aisa zamane ne badla hai pahlu
kisi ko kisi se mohabbat nahin hai
nasibon se milta hai dard-e-mohabbat
ye wo chiz hai jis ki qimat nahin hai
buton se sitam par bhi izhaar-e-ulfat
'rashid' aap mein aadmiyat nahin hai
Ghazal
Kisi ka unhen pas-e-ghurbat nahin hai
Rasheed Rampuri