KHayal jaan se baDh kar safar mein rahta hai
wo meri ruh ke andar safar mein rahta hai
jo sare din ki thakan oDh kar main sota hun
to sari raat mera ghar safar mein rahta hai
janam janam se meri pyas sar paTakti hai
janm janm se samundar safar mein rahta hai
mera yaqin karo us ke panw mein til hai
isi liye wo barabar safar mein rahta hai
main dil hi dil mein jise pujne laga hun bahut
wo dewta nahin patthar safar mein rahta hai
Ghazal
KHayal jaan se baDh kar safar mein rahta hai
Anjum Barabankvi