karne laga dil talab jab wo but-e-KHush-e-mizaj
hum ne kaha jaan kal us ne kaha hans ke aaj
zulf ne us ki diya kakul sumbul ko rashk
chashm-e-siyah ne liya chashm se aahu ke baj
us ki wo bimar chashm dekh raha tu jo dil
rah to sahi main tera karta hun kaisa ilaj
kaam paDa aan kar chah se jis din hamein
chhuT gae us rose se aur jo the kaam-kaj
dil to na dete hum aah le gai lekin 'nazir'
us ki jabin ki haya aur wo aankhon ki laj
Ghazal
Karne laga dil talab jab wo but-e-KHush-e-mizaj
Nazeer Akbarabadi