kaisi sohbat hai kaisi tanhai
hum hain ek dusre ki tanhai
pahla din hai zamin pe aadam ka
pahli hijrat hai pahli tanhai
aadhe bistar pe aa baDho tum bhi
banT len aadhi aadhi tanhai
guftugu ne thaka diya hai bahut
aa meri dost meri tanhai
jab KHuda bhi nahin tha sath mare
mujh pe biti hai aisi tanhai
main ne samjhi zaban KHamoshi ki
aisi majlis se achchhi tanhai
Ghazal
Kaisi sohbat hai kaisi tanhai
Anjum Saleemi