junun-e-awwalin shaistagi thi
wahi pahli mohabbat aaKHiri thi
jahan hum phir se basna chahte the
wo basti ho ke duniya ho chuki thi
kushada the bahut bazu-e-wahshat
ye zanjir-e-KHirad uljhi hui thi
kabhi har lafz ke sau sau maani
kabhi puri kahani an-kahi thi
sahar aaghaz-e-shab itmam-e-hujjat
ajab 'zahra' ki waz-e-zindagi thi
Ghazal
Junun-e-awwalin shaistagi thi
Zehra Nigaah