اردو हिंदी
Jo rabt meri teri nabz Dubne tak hai | Shaahi Shayari
jo rabt meri teri nabz Dubne tak hai

Ghazal

Jo rabt meri teri nabz Dubne tak hai

Khalid Iqbal Yasir

;

jo rabt meri teri nabz Dubne tak hai
mubaalagha bhi karen to nibahane tak hai

meri hi aarzu-e-dil ka shoabada hai tu
tera wajud faqat sehr TuTne tak hai

irade kitni hi umron ke bandh rakkhe hain
magar nigah ki had apne samne tak hai

tere mizaj ki tabdiliyon se waqif hun
ye mehrbani mere honT kholne tak hai

girah-kusha kabhi sirr-e-jamal tujh pe bhi ho
teri rasai magar ghar ke aaine tak hai

palaT ke aae na aae koi sune na sune
sada ka kaam fazaon mein gunjte tak hai

wo ek baat jo afsana ban gai 'yasir'
kisi ka husn sarapa sarahne tak hai