jo nigah-e-naz ka bismil nahin
dil nahin wo dil nahin wo dil nahin
botalen KHali gain zer-e-aba
aaj mai-KHane mein mai fazil nahin
meri dushwari hai dushwari meri
meri mushkil aap ki mushkil nahin
kah rahi hai har ada qatil tumhein
tum kahe jao ki hum qatil nahin
bahki bahki hai 'mubarak' baat baat
KHair to hai kyun Thikane dil nahin
Ghazal
Jo nigah-e-naz ka bismil nahin
Mubarak Azimabadi