jo apne sar pe sar-e-shaKH-e-ashiyan guzri
kisi ke sar pe qafas mein bhi wo kahan guzri
usi ki yaad hai mahtab-e-sham-ha-e-firaq
wo ek shab ki sar-e-ku-e-mah-washan guzri
jahan mein shauq kabhi raegan nahin jata
main kyun kahun ki meri umr raegan guzri
jabin-e-shauq hamari gali gali mein jhuki
ki har gali se teri KHak-e-astan guzri
Ghazal
Jo apne sar pe sar-e-shaKH-e-ashiyan guzri
Sharif kunjahi