ji larazta hai umaDti hui tanhai se
ab nikalo mujhe us raat ki pahnai se
aai yaadon ki hawa ghulne laga kan mein zahr
bujh gai sham bhi bajti hui shahnai se
puchhta phirta hun galiyon ke ujaDne ka sabab
har taraf jama hain kya log tamashai se
samne phaila hua dasht ka sannaTa hai
ab kahan bach ke chalen hum dil-e-saudai se
ban gaya ek qayamat dar-e-dil tak aana
aur guzarna hai abhi dhyan ki angnai se
kis tarah apna banaen use hum ai 'jafar'
baat aage na baDhi jis ki shanasai se
Ghazal
Ji larazta hai umaDti hui tanhai se
Jafar Shirazi