jab se marne ki ji mein Thani hai
kis qadar hum ko shadmani hai
shairi kyun na ras aae mujhe
ye mera fann-e-KHandani hai
kyun lab-e-iltija ko dun jumbish
tum na manoge aur na mani hai
aap hum ko sikhaen rasm-e-wafa
mehrbani hai mehrbani hai
dil mila hai jinhen hamara sa
talKH un sab ki zindagani hai
koi sadma zarur pahunchega
aaj kuchh dil ko shadmani hai
Ghazal
Jab se marne ki ji mein Thani hai
Josh Malihabadi