jab se main KHud-shanas ho gaya hun
KHamushi ka niwas ho gaya hun
gham se yun ru-shanas ho gaya hun
bewgi ka libas ho gaya hun
dosto tum uchhaal do hawa mein
main ki KHali gilas ho gaya hun
kitne sawan baras chuke mujh par
jalte sahra ki pyas ho gaya hun
tu mile to main sabz ho jaun
hijr mein zard ghas ho gaya hun
maut ki KHushbu aa rahi hai 'munir'
main ki bimar ki sans ho gaya hun
Ghazal
Jab se main KHud-shanas ho gaya hun
Muneer Saifi