jab se asir-e-zulf-e-girah-gir ho gaya
mein be-niyaz-e-halqa-e-zanjir ho gaya
jata kahan bhala teri mahfil ko chhoD kar
main apne aap panw ki zanjir ho gaya
nur-e-jahan koi na koi yun to sab ki thi
daulat se ek shaKHs jahangir ho gaya
mujh mein rachi hui teri KHushbu thi is liye
baDh kar adu bhi mujh se baghal-gir ho gaya
phir bandh li kisi se ummid-e-wafa 'qatil'
phir ek mahal hawaon mein tamir ho gaya
Ghazal
Jab se asir-e-zulf-e-girah-gir ho gaya
Qateel Shifai