jab manzilon wahm tha na shab ka
main nikla hua hun ghar se tab ka
jis shahr mein bas rahe the hum tum
wo shahr ujaD chuka hai kab ka
thi pahle ajab judai un ki
ab KHud se firaq hai ghazab ka
ai mahw-e-tilism-e-roz-e-raushan
darpesh abhi safar hai shab ka
har gul se bhaDak rahe hain shoale
ye ahd magar hai bu-lahab ka
tum kahe ko akaD rahe ho tanha
'shohrat' ye muamla hai sab ka
Ghazal
Jab manzilon wahm tha na shab ka
Shohrat Bukhari