jab KHasare hi ka sarmaya hun main
phir zamin par kis liye aaya hun main
TuTe kirdaron ka malba joD kar
ek naya qissa bana laya hun mein
KHwab tak to Thik tha lekin miyan
jagne ke baad ghabraya hun main
jis ki buniyaadon mein shab ka husn hai
aisi kali dhup ka saya hun main
apni hi marzi se wapas jaane de
dekh tere hukm par aaya hun main
a peshawar aaKHiri koshish hai ye
KHwab se ek faKHta laya hun main
Ghazal
Jab KHasare hi ka sarmaya hun main
Ishaq Veerdag