jab ghar hi juda juda rahega
phir hath mein hath kya rahega
wo mere KHayal ka shajar hai
aankhon mein hara-bhara rahega
mehman wo KHal-o-KHad rahenge
jab tak mara shab-kada rahega
rishta mere sahil-e-nafas se
is mauj-e-sarab ka rahega
wo harf jo us ne likh diya hai
ta-umr yunhi likha rahega
ai moajaza-e-hawa suna de
wo mujh mein sada khila rahega
Ghazal
Jab ghar hi juda juda rahega
Shahida Hasan