jab dil mein tere gham ne hasrat ki bina Dali
duniya meri rahat ki qismat ne miTa Dali
ab barq-e-nasheman ko har shaKH se kya matlab
jis shaKH ko taka tha wo shaKH jala Dali
izhaar-e-mohabbat ki hasrat ko KHuda samjhe
hum ne ye kahani bhi sau bar suna Dali
jine bhi nahin dete marne bhi nahin dete
kya tum ne mohabbat ki har rasm uTha Dali
jine mein na ab 'fani' marne mein shumar apna
matam ki bisat us ne kya kah ke uTha Dali
Ghazal
Jab dil mein tere gham ne hasrat ki bana Dali
Fani Badayuni