ishq phir ishq hai aashufta-sari mange hai
hosh ke daur mein bhi jama-dari mange hai
hae aaghaz-e-mohabbat mein wo KHwabon ke tilism
zindagi phir wahi aaina-gari mange hai
dil jalane pe bahut tanz na kar ai nadan
shab-e-gesu bhi jamal-e-sahari mange hai
main wo aasuda-e-jalwa hun ki teri KHatir
har koi mujh se meri KHush-nazari mange hai
teri mahki hui zulfon se ba-andaz-e-hasin
jaane kya chiz nasim-e-sahari mange hai
aap chahen to tasawwur bhi mujassam ho jae
zauq-e-azar to nai jalwagari mange hai
husn hi to nahin betab-e-numaish 'unwan'
ishq bhi aaj nai jalwagari mange hai
Ghazal
Ishq phir ishq hai aashufta-sari mange hai
Unwan Chishti