ishq nahin koi nahang hai yaro
dushman-e-nam-o-nang hai yaro
sabr bin aur kuchh na lo hamrah
kucha-e-ishq tang hai yaro
shama-ru par na hue kyun kar Dor
dil hamara patang hai yaro
baat us tifl-KHu ki ramz-amez
muj diwane ko sang hai yaro
til hai tiryak chashm jam-e-sharab
sabza-e-KHat yu bang hai yaro
zulf ka dilruba ki aaj KHayal
dil kun qaid-e-farang hai yaro
us pari-ru sin aur 'hatim' sin
raat din sulh o jang hai yaro
Ghazal
Ishq nahin koi nahang hai yaro
Shaikh Zahuruddin Hatim