ishq ki chingariyon ko phir hawa dene lage
mere pas aa kar wo dushman ko dua dene lage
mai-kade ka mai-kada KHamosh tha mere baghair
main hua warid to paimane sada dene lage
KHatm karna hi paDengi sham-e-gham ki uljhanen
ab wo apne gesuon ka wasta dene lage
eatiraf-e-auj ka jazba nahin ahbab mein
har taraqqi par taraqqi ki dua dene lage
doston ki kaj-adai main bhi lazzat hai 'shakil'
dost wo hai dost ban kar jo dagha dene lage
Ghazal
Ishq ki chingariyon ko phir hawa dene lage
Shakeel Badayuni