is lab kun kab pasand hain rasmi kaToriyan
lala ke phul ki hain jise qahwa KHoriyan
dam-o-qafas na chahiye dil ke shikar kun
karti hain band aankh ke Doron ki Doriyan
hai bas ki daur-e-saghar-e-chashm-e-pari-ruKHan
gir gai hain dil ke taq sen nargis ki ghoriyan
hanste ho kyun jo tum ne mera dil nahin liye
malum huin tumhaari nigahon ki choriyan
ab gham ki raat sair-e-charaghan hai ai 'siraj'
ye ashk garm tel hai aankhen sakoriyan
Ghazal
Is lab kun kab pasand hain rasmi kaToriyan
Siraj Aurangabadi