is e'tibar se be-intiha zaruri hai
pukarne ke liye ek KHuda zaruri hai
hazar rang mein mumkin hai dard ka izhaar
tere firaq mein marna hi kya zaruri hai
shuur shahr ke haalat ka nahin sab ko
bayan shahr ke haalat ka zaruri hai
kuchh aaise sher hain yaro jo hum nahin kahte
har ek baat ka izhaar kya zaruri hai
'shujaa' maut se pahle zarur ji lena
ye kaam bhul na jaana baDa zaruri hai
Ghazal
Is etibar se be-intiha zaruri hai
Shuja Khaavar