EN हिंदी
اس دشت پہ احساں نہ کر اے ابر رواں اور | شیح شیری
is dasht pe ehsan na kar ai abr-e-rawan aur

غزل

اس دشت پہ احساں نہ کر اے ابر رواں اور

حمایت علی شاعرؔ

;

اس دشت پہ احساں نہ کر اے ابر رواں اور
جب آگ ہو نم خوردہ تو اٹھتا ہے دھواں اور

وہ قحط جنوں ہے کہ کوئی چاک گریباں
آتا ہے نظر بھی تو گزرتا ہے گماں اور

یہ سنگ زنی میرے لیے بارش گل ہے
تھک جاؤ تو کچھ سنگ بدست دگراں اور

سورج کو یہ غم ہے کہ سمندر بھی ہے پایاب
یا رب مرے قلزم میں کوئی سیل رواں اور

شاعرؔ یہ زمیں حضرت غالبؔ کی زمیں ہے
ہر شعر طلب کرتا ہے خون رگ جاں اور