انتہائے غم میں مجھ کو مسکرانا آ گیا

انتہائے غم میں مجھ کو مسکرانا آ گیا
ہائے افقائے محبت کا بہانا آ گیا

اس طرف اک آشیانے کی حقیقت کھل گئی
اس طرف اک شوخ کو بجلی گرانا آ گیا

رو دیے وہ خود بھی میرے گریۂ پیہم پہ آج
اب حقیقت میں مجھے آنسو بہانا آ گیا

میری خاک دل بھی آخر ان کے کام آ ہی گئی
کچھ نہیں تو ان کو دامن ہی بچانا آ گیا

وہ خراش دل جو اے جذبۂ جذبیؔ مری ہم راز تھی
آج اسے بھی زخم بن کر مسکرانا آ گیا