ek umr guzari hai tab raaz ye samjha hai
jo kuchh hai mohabbat hai duniya hai ye uqba hai
ek aap ka daman hai mamur muradon se
ek mera gareban hai jo KHun mein luthDa hai
iKHlas se aari hai ab pursish-e-gham ai dil
ye rasm hi duniya se uTh jae to achchha hai
is daur-e-kashakash mein hum hun ki 'ziya' tum ho
bikhre hue moti hain TuTa hua rishta hai
Ghazal
Ek umr guzari hai tab raaz ye samjha hai
Bakhtiyar Ziya