اک فضا شوخ سی گنگنانے لگی
من کی بے کل سی کلیاں کھلانے لگی
بھاگتی منزلیں سوچتے راستے
ایک ان تھک تھکن راس آنے لگی
شوخ ندی کی بہت ہوئی راگنی
دودھیا چاندنی میں نہانے لگی
اک ترے نور سے ہے منور فضا
اک تری موہنی دل لبھانے لگی
ساعتوں کی حسیں چمپئی روشنی
نت نیا شوخ جادو جگانے لگی
پھر کبھی یاد کی حد بھری کامنا
آہٹوں ہی سے دل کو لگانے لگی
شوخ پلکوں پہ رکتی ہوئی اک نمی
کچھ اچٹتے تعلق نبھانے لگی
رخ بدلتی ہوئی بے رخی آخرش
سامنے بیٹھ کر مسکرانے لگی
غزل
اک فضا شوخ سی گنگنانے لگی
کرشن مراری