husn alfaz ke paikar mein agar aa sakta
kaisa hota hai KHuda tum ko main dikhla sakta
is safar pe hun ki halkan hua jata hun
aur kahan jaana hai ye bhi nahin batla sakta
haarna bhi hai yaqini pe meri fitrat hai
ek hi chaal hamesha nahin dohra sakta
zindagi ab tu mujhe aur khilaune la de
aaise KHwabon se to main dil nahin bahla sakta
main bhi taqdir ke likkhe pe yaqin le aata
waqt ek bar jo us se mujhe milwa sakta
Ghazal
Husn alfaz ke paikar mein agar aa sakta
Faheem Shanas Kazmi