hue jama afkar sar mein bahut
paDe pech arz-e-hunar mein bahut
gurezan hai har manzar-e-jism-o-jaan
koi shai hai andar safar mein bahut
satane ko bahar balaen kai
Darane ko aaseb ghar mein bahut
kahun kya ki hai sans dekhi hui
hawa band hai is nagar mein bahut
umid-e-samar rakh na 'shahin' abhi
ki zahr-e-KHizan hai shajar mein bahut
Ghazal
Hue jama afkar sar mein bahut
Javed Shaheen