hijr mein dil ka dagh jalta hai
be-kasi ka charagh jalta hai
dil jalate ho sard-mehri se
is tarah bhi charagh jalta hai
meri aankhon mein un ka jalwa hai
aaine mein charagh jalta hai
dam hai aankhon mein nabzen Dubi hain
dhima dhima charagh jalta hai
shola-e-ah ye nahin hai 'safir'
hasraton ka charagh jalta hai
Ghazal
Hijr mein dil ka dagh jalta hai
Mohammad Abbas Safiir