hazar tane sunega KHajil nahin hoga
ye wo hujum hai jo mushtail nahin hoga
zamin par aane se pahle hi ilm tha mujh ko
mera qayam yahan mustaqil nahin hoga
andhera pujne walon ne faisla diya hai
charagh ab kisi shab mein muKHil nahin hoga
tujhe muaf to kar dunga sari baaton par
magar ye zaKHm kabhi mundamil nahin hoga
Ghazal
Hazar tane sunega KHajil nahin hoga
Abid Malik