harf harf gundhe the tarz mushkbu ki thi
tum se baat karne ki kaisi aarzu ki thi
sath sath chalne ki kis qadar tamanna thi
sath sath khone ki kaisi justuju ki thi
wo na jaane kya samjha zikr mausamon ka tha
main ne jaane kya socha baat rang-o-bu ki thi
is hujum mein wo pal kis tarah se tanha hai
jab KHamosh the hum tum aur guftugu ki thi
Ghazal
Harf harf gundhe the tarz mushkbu ki thi
Zehra Nigaah