har shaKH pe thi wafa ki qindil
ai shahr bata kahan wo ban hai
bajti hui KHun ki rawani
KHwahish ki giraft mein badan hai
laDte laDte bikhar gae hain
ab jo bhi jahan hai nara-zan hai
har jihat mujhe pukarti hai
har samt wo rang-e-pairahan hai
leta hai wajud garm sansen
ek shola-e-shauq wo badan hai
ye kaun dhanak naha ke nikli
gul-buTa chaman chaman hai
Ghazal
Har shaKH pe thi wafa ki qindil
Abul Hasanat Haqqi