har nazar mein hai asasa apna
chaak-dar-chaak hai KHema apna
koi partaw hai na saya us ka
jis ke hone se hai hona apna
kis ki lau rah-e-sahar dekhegi
sham ki sham hai shoala apna
lipTe jate hain kinaron se bhi
aur dariya pe bhi dawa apna
chhoD baiThe hain faqiri lekin
abhi toDa nahin kasa apna
dar-e-KHusraw pe chala hai farhad
rehn rakh aae na tesha apna
kin gumanon mein ghire ho 'yusuf'
kabhi dekho to sarapa apna
Ghazal
Har nazar mein hai asasa apna
Yusuf Hasan