har KHushi maqbaron pe likh di hai
aur udasi gharon pe likh di hai
ek aayat si dast-e-qudrat ne
titliyon ke paron pe likh di hai
jaliyon ko tarash kar kis ne
har dua pattharon pe likh di hai
log yun sar chhupae phirte hain
jaise qimat saron pe likh di hai
har waraq par hain kitne rang 'qamar'
har ghazal manzaron pe likh di hai
Ghazal
Har KHushi maqbaron pe likh di hai
Qamar Iqbal