har aan ek taza shikayat hai aap se
allah mujh ko kitni mohabbat hai aap se
kya aap jaante hain mujhe to KHabar nahin
kahte hain log mujh ko mohabbat hai aap se
us dil ki aarzu-e-mohabbat ko kya kahun
jis dil ko aarzu-e-mohabbat hai aap se
rona to hai yahi ki nahin aah mein asar
shikwa hai aap se na shikayat hai aap se
Ghazal
Har aan ek taza shikayat hai aap se
Jalaluddin Akbar