hamare sher ka hasil tassuraat se hai
hamara rabta kaghaz qalam dawat se hai
hamari zist ka yun hadson se rishta hai
ki jaise zulf ko nisbat siyah raat se hai
faza chaman ki to shabnam se ba-wazu hogi
KHuda ka zikr alassubh pat pat se hai
KHulus dekhiye patthar mein dast-kari ka
jo puje jaane ki raghbat KHuda ki zat se hai
'hayat' jis ki amanat thi us ko lauTa di
ab apni zist ki wabastagi mamat se hai
Ghazal
Hamare sher ka hasil tassuraat se hai
Hayat Madrasi