hum jaise tegh-e-zulm se Dar bhi gae to kya
kuchh wo bhi hain jo kahte hain sar bhi gae to kya
uThti rahengi dard ki Tisen tamam umr
hain zaKHm tere hath ke bhar bhi gae to kya
hain kaun se bahaar ke din apne muntazir
ye din kisi tarah se guzar bhi gae to kya
ek makr hi tha aap ka ifa-e-ahd bhi
apne kahe se aaj mukar bhi gae to kya
hum to isi tarah se phirenge KHarab-haal
ye sher tere dil mein utar bhi gae to kya
'basir' tumhein yahan ka abhi tajraba nahin
bimar ho? paDe raho, mar bhi gae to kya
Ghazal
Hum jaise tegh-e-zulm se Dar bhi gae to kya
Basir Sultan Kazmi