hain sehr-e-musawwir mein qayamat nahin karte
rangon se nikalne ki jasarat nahin karte
afsos ke jangal mein bhaTakte hain KHayalat
ram bhul gae KHauf se wahshat nahin karte
tum aur kisi ke ho to hum aur kisi ke
aur donon hi qismat ki shikayat nahin karte
muddat hui ek shaKHs ne dil toD diya tha
is waste apnon se mohabbat nahin karte
ye kah ke hamein chhoD gai raushni ek raat
tum apne charaghon ki hifazat nahin karte
Ghazal
Hain sehar-e-musawwir mein qayamat nahin karte
Saqi Faruqi