hai yaad-e-yar se ek aag mushtail dil mein
ajab hai KHuld-o-jahannam hain muttasil dil mein
jo chupke chupke hamein kuchh kahe wo ap sune
paDe usi ko jo kosega hum ko dil dil mein
karoge ab bhi burai mai-e-mughan ki shaiKH
na kahiye munh se magar hoge to KHajil dil mein
gae wo pani to multan ab gino maujen
kahan wo josh ab ai ashk pa-ba-gul dil mein
ulu ye KHub hua aap tum chale aae
main kahta hi tha ki aaj un se ja ke mil dil mein
pakaD jo kal liya chuski lagate zahid ko
bataun kya ki hua kaisa munfail dil mein
Ghazal
Hai yaad-e-yar se ek aag mushtail dil mein
Dattatriya Kaifi