hai saman har taraf badalne ko
dil mein KHwahish hai ek machalne ko
main ne socha pasand ka us ki
pairahan the kai badalne ko
kitne arman mar Dale hain
koi baqi nahin kuchalne ko
kitna mushkil amal hua is par
faisla kar liya sambhalne ko
chhoD dunga main sath auron ka
wo kahega jo sath chalne ko
us ki chahat khuli hai ab mujh par
ek khilauna tha main bahalne ko
Ghazal
Hai saman har taraf badalne ko
Syed Sagheer Safi